Предисловие
Әбді-Жәмил Нұрпейс есімі халықаралық аренада алпысыншы жылдардың басында әлемнің әдеби өрісіне жол тартқан «Абай жолын» жалғастыра жаңғыртқан «Қан мен тер» романы болып еске түседі. «Қан мен тердің» арқасында қазақ әдебиеті өзінің әлем оқырмандары алдында «Абай жолымен» алған биігін сақтап қа ла білді. Әбді-Жәмил Нұрпейс есімімен бірге тағы да Арал апаты еске түседі. Жазушы шығармашылық ғұмырының тең жартысын туған жері – Аралға арнапты. Қаламын найзадай білеп, Аралға араша түсу – жазушы ғұмырының «Соңғы парызына» айналыпты. Бұл шығармалар әлем оқырмандары алдында қазақ әдебиетінің айбынын асқақтатты. Беделін көтерді. Оған дәлел – төменде келтірілген отандық және шетелдік қаламгерлердің Ә. Нұрпейс романдары туралы әр жылдарда айтқан пікірлері, берген бағалары. Соның бір тобын оқырман назарына ұсынып отырмыз.